Íslenska karlalandsliðið í knattspyrnu spilaði sinn fyrsta leik frá upphafi á lokamóti heimsmeistaramóts karla í knattspyrnu um síðustu helgi, laugardaginn 16. júní.

Liðið mætti Lionel Messi og félögum í argentínska landsliðinu í Moskvu. „Strákarnir okkar“ áttu frábæran leik og gerðu 1-1 jafntefli gegn stjörnum prýddu liði Argentínu.

Víða um land sameinaðist fólk til að horfa saman á leikinn og hvetja lið Íslands til dáða. Mikil stemning var á Stuðvangi Johan Rönning og margir létu rigninguna ekki stoppa sig og fjölmenntu við risaskjái víða um land.

Haraldur Guðjónsson, ljósmyndari Viðskiptablaðsins, fór um höfuðborgarsvæðið til að fanga stemninguna.

© Haraldur Guðjónsson (VB MYND/hag)

Mætingin á Ingólfstorg var gífurlega góð.

© Haraldur Guðjónsson (VB MYND/hag)

Fjölmenni var í Hljómskólagarðinum í miðbæ Reykjavíkur þrátt fyrir vætusamt veður.

© Haraldur Guðjónsson (VB MYND/hag)

© Haraldur Guðjónsson (VB MYND/hag)

Á Rútstúni í Kópavogi fylgdist fólk spennt með gangi mála.

© Jón Sigurgeirsson (Jón S)

Frá Thorsplani í Hafnarfirði.

© Haraldur Guðjónsson (VB MYND/hag)

Ríkharð Óskar Guðnason, betur þekktur sem Rikki G, íþróttalýsandi á Stöð 2 Sport, leikgreindi lið Íslands og Argentínu fyrir áhorfendur Stuðvangs Johan Rönning.

© Haraldur Guðjónsson (VB MYND/hag)

Litir Íslands voru áberandi á Stuðvangi.

© Haraldur Guðjónsson (VB MYND/hag)

Marki Íslands var vel fagnað.

© Haraldur Guðjónsson (VB MYND/hag)

Áfram Ísland!