Skúli Örn Sigurðsson, sem síðustu þrjú ár hefur gegnt starfi sölustjóra hjá Strætó bs., hefur tekið við sem sölustjóri Hreint ehf. Hreint er ein elsta og stærsta ræstingaþjónusta landsins en félagið var stofnað árið 1983.
Auk þessa að hafa starfað hjá Strætó bs. hefur Skúli Örn starfað hjá Íslenska Útvarpsfélaginu, fasteignamiðlun Kópavogs og hjá Hvalalíf ehf. sem markaðs- og sölustjóri.
Skúli hefur einnig setið í stjórn faghóps hjá Stjórnvísi um góða stjórnarhætti. Hann er með B.S. í viðskiptafræði og er að ljúka MS prófi í nýsköpun og viðskiptaþróun.
