Ólafur Ólafsson, aðaleigendi Samskipa, hefur snúið aftur til vinnu í höfuðstöðvum fyrirtækisins að Kjalarvogi þar sem hann er með skrifstofu. Þetta kemur fram á vef mbl.is.
Ólafur var ásamt Kaupþingsmönnunum Sigurði Einarsson og Magnúsi Guðmundssyni látinn laus af Kvíabryggju á fimmtudaginn síðasta. Ólafur má ekki eiga í samskiptum við fjölmiðla nema með leyfi Fangelsismálastofnunar en Björgvin Guðmundsson, einn eigenda KOM almannatengslafyrirtækis, staðfestir þetta í samtali við mbl.
Þrátt fyrir að skrifstofa Ólafar sé hjá Samskipum starfar Ólafur ekki hjá fyrirtækinu. Að sögn Björgvins er Ólafur að sinna erlendri starfsemi sinni eftir því sem hann best getur á Íslandi.
Ólafur hafði afplánað rúmt ár á Kvíabryggju og heldur afplánun sinni áfram á áfangaheimilinu Vernd. Það er skilyrði að fangi stundi annað hvort nám eða vinnu sem Fangelsismálastofnun samþykkir til að mega afplána dóminn á Vernd.
