*

miðvikudagur, 19. júní 2019
Erlent 1. apríl 2019 17:31

Óvenjuveik eftirspurn hjá easyJet

Gengi bréfa easyJet hefur fallið um 10% í kjölfar afkomuviðvörunar. Áður hafði félagið búist við 44 milljarða tapi.

Ritstjórn
Ein af vélum easyJet á Keflavíkurflugvelli
Haraldur Guðjónsson

Lággjaldaflugfélagið easyJet hafa tilkynnt um óvenjulélega sölu sex mánuði fram í tímann, jafnvel yfir hásumarið. Kennir félagið óvissu vegna útgöngu Bretlands út úr Evrópusambandinu og alþjóðahagkerfinu um og gaf félagið því út afkomuviðvörun um að horfur á öðrum ársfjórðungi væru verri en áður hafði verið talið.

Áður hafði félagið látið vita að það byggist við að tapa um 275 milljónum punda, eða sem samsvarar 44,2 milljörðum íslenskra króna á fyrri helmingi ársins. Þegar þetta er skrifað hefur gengi easyJet lækkað um 9,71% í dag.

Forstjóri félagsins, Johan Lundgren segir í BBC að eftirspurnin sé að minnka bæði frá Bretlandi og Evrópu, en félagið segir að þrátt fyrir þetta sé útlit fyrir að tekjur félagsins á hvert sæti verði eilítið betri á seinni helmingi ársins meðan kostnaðurinn standi í stað.

Félagið hefur þegar undirbúið sig fyrir útgöngu Bretlands úr Evrópusambandinu, með stofnun easyJet Europe, en höfuðstöðvar þess félags er í Vínarborg. Það gerir þeim kleyft að fljúga innan Evrópusambandsins sama hvernig útgöngu Bretlands verður háttað.

Stikkorð: ESB Bretland easyJet Brexit Johan Lundgren
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is