Primera Air hefur hafið sölu á vikulegum flugum til Kaupmannahafnar í mars, apríl og maí en auk þess verður flogið til Billund frá lok maí til október.
Þetta kemur fram í tilkynningu frá Primera Air. Félagið mun einnig fljúga vikulega til Óslóar í febrúar og fram í miðjan mars. Primera Air er í eigu Andra Más Ingólfssonar.
Í fluginu til Danmerkur verður í flestum tilfellum flogið frá Keflavík á fimmtudagskvöldi, með heimkomu á mánudagskvöldi. Þá kemur fram að félagið muni einnig fljúga sérstaklega til Kaupmannahafnar yfir páskana.
