Bretar þurfa nú að greiða nær 1 pundi heldur en 50 pens fyrir 1 evra í fyrsta skipti í sögunni, en gengi sterlingspunds féll á gjaldeyrismörkuðum í dag eftir skammvinna hækkun í gær í kjölfar vaxtaákvörðunar Englandsbanka.
Pundið veiktist um 0,4% gagnvart Bandaríkjadal og 0,6% gagnvart evru, meðal annars vegna aukinna væntinga fjárfesta að Englandsbanki lækki stýrivexti í næsta mánuði. Sérfræðingar telja að ákvörðun Englandsbanka að viðhalda óbreyttum 5,5% vöxtum í gær sé aðeins biðleikur; líklegt sé að bankinn muni halda áfram með vaxtalækkunarferli sitt á árinu, sem hófst síðastliðin desembermánuð.
Fjármálasérfræðingar segja að gengislækkun punds skýrist jafnframt af áhyggjum af versnandi rekstrarhorfum breskra framleiðslufyrirtækja sökum hækkandi hrávöruverðs á alþjóðamörkuðum.
