Jeffery Immelt, stjórnarformaður og fyrrverandi forstjóri General Electric greindi frá því á Twitter síðu sinni í dag að myndi ekki sækjast eftir því að taka við starfi forstjóra Uber.
Í færslu á Twitter síðu sinni segir Immelt: „Ég hef ákveðið að sækjast ekki eftir stjórnendastöðu hjá Uber. Ég ber mikla virðingu fyrir fyrirtækinu og stofnendum þess – Travis, Garrett og Ryan.”
I have decided not to pursue a leadership position at Uber. I have immense respect for the company & founders - Travis, Garrett and Ryan.
— Jeff Immelt (@JeffImmelt) August 27, 2017
Miklar vangaveltur hafa verið uppi um hver myndi taka við starfi forstjóra Uber eftir að Travis Kalanick stofnandi fyrirtækisins lét af störfum í júní síðastliðnum. Síðan þá hefur leit staðið yfir af nýjum forstjóra til þess að endurvekja trú á fyrirtækinu eftir róstusama tíma á undanförnum mánuðum.
Immelt sem lét nýlega af störfum sem forstjóri General Electric var einn af þeim sem höfðu komið til greina til að taka við stöðu forstjóra fyrirtækisins.