Salóme Guðmundsdóttir, hefur verið ráðin framkvæmdastjóri Klaks Innovit og tekur hún við af Kristjáni Frey Kristjánssyni, sem nú starfar hjá Meniga.
Salóme hefur starfað sem forstöðumaður Opna háskólans í HR frá árinu 2011, en hún hefur BSc-gráðu í viðskiptafræði frá HR og diplómagráðu í markaðssamskiptum og vörumerkjastjórnun frá EHÍ.
Þorsteinn Gunnarsson, stjórnarformaður Klaks Innovit, segir mikinn feng í að fá Salóme til liðs við fyrirtækið, enda sé hún ungur og kraftmikill stjórnandi. Hún segir sjálf spennandi að taka við kyndlinum af Kristjáni og byggja á því góða starfi sem átt hafi sér stað hjá Klak Innovit á síðustu árum.
