Björgvin G. Sigurðsson, þingmaður Samfylkingarinnar og fyrrv. viðskiptaráðherra mun leiða lista Samfylkingarinnar í komandi alþingiskosningum en prófkjör flokksins fór fram í gær.
Björgvin leiddi einnig listann í síðustu kosningum.
Samfylkingin hefur nú tvo þingmenn úr kjördæminu en Lúðvík Bergvinsson, gaf ekki kost á sér til endurkjörs.
Alls kusu 2389 í netprófkjöri flokksins og röð 6 efstu manna varð þessi:
- Björgvin G. Sigurðsson
- Oddný Guðbjörg Harðardóttir
- Róbert Marshall
- Anna Margrét Guðjónsdóttir
- Guðrún Erlingsdóttir
- Þóra Þórarinsdóttir
Sigmundur Ernir líklega á leiðinni á þing
Þá lauk netprófkjöri Samfylkingarinnar í Norðausturkjördæmi einnig i gær en þetta er í fyrsta skipti sem prófkjör fer fram rafrænt.
Kristján L. Möller, samgönguráðherra leiðir lista flokksins, líkt og í síðustu kosningum. Flokkurinn hefur tvo þingmenn í kjördæminu nú en Einar Már Sigurðsson gaf ekki kost á sér til endurkjörs.
Sigmurndur Ernir Rúnarsson, fyrrverandi fréttamaður á Stöð 2 kemur nýr inn á lista Samfylkingarinnar. Ef Samfylkingin heldur sama fjölda þingmanna í kjördæminu verður hann þingmaður í vor.
Alls greiddu 2.574 atkvæði í prófkjörinu. Kosningin er bindandi fyrir átta efstu sætin sem raðast þannig:
- Kristján L. Möller 1173 atkvæði
- Sigmundur Ernir Rúnarsson 917 atkvæði
- Jónína Rós Guðmundsdóttir 844 atkvæði
- Logi Már Einarsson 737 atkvæði
- Helena Þ. Karlsdóttir 942 atkvæði
- Örlygur Hnefill Jónsson 1138 atkvæði
- Herdís Björk Brynjarsdóttir 1174 atkvæði
- Stefanía G. Kristinsdóttir 1245 atkvæði
Þá kemur fram á vef flokksins að Jónína Rós var flutt upp í þriðja sæti vegna kynjakvóta
