Seðlabanki Evrópu hefur gefið það út að þeir ætli að hætta magnbundinni íhlutun (e. Quantitive easing) í lok þessa árs. Þessu lýsti seðlabankastjóri Evrópu, Mario Draghi, yfir á blaðamannafundi í morgun.

Undanfarin ár hefur seðlabankinn staðið í umfangsmiklum skuldabréfakaupum til þess að þrýsta upp nafnvöxtum á evrusvæðinu til að koma í veg fyrir það sem kallast lausafjárgildra (e. Liquidity trap). En það er þegar vextir eru mjög lágir en á sama tíma er sparnaðarhlutfall hátt þannig að peningastefnan hefur engin áhrif.

Á blaðamannafundinum lýsti Draghi því yfir að vextir á evrusvæðinu myndu haldast lágir næstu tvö árin.

Seðlabanki Evrópu hefur einnig hækkað verðbólguvæntingar sínar úr 1,4% í 1,7% en verðbólgumarkmið bankans er 2%.