Seðlabankinn hefur ákveðið að hækka stýrivexti um 0,25 punkta og fara stýrivextir við það í 4,75%. Þetta er þvert á spár allra greiningardeilda og annarra sem birtu stýrivaxtaspár í aðdraganda vaxtaákvörðunardags. Allir höfðu reiknað með óbreyttum vöxtum.
Í Peningamálum Seðlabankans, sem koma út á sama tíma, kemur fram og hagtölur staðfesti að efnahagsbatinn hafi haldið áfram þrátt fyrir að dragi úr hagvexti í heiminum og óvissa aukist.
Seðlabankinn býst við að hagvöxtur verði meiri í ár og á næsta ári en gert var ráð fyrir í ágúst og að verðbólga verði minni vegna gengisstyrkingar krónunnar.
Daglánavextir fara í 5,75%, hámarksvextir á 28 daga innstæðubréfum í 4,5% og vextir af lánum gegn veði til sjö daga, sem nú eru hinir eiginlegu stýrivextir, fara úr 4,5% í 4,75%
