Hvað varðar horfur á álmarkaðnum segir Pétur Blöndal, framkvæmdastjóri Samáls, samtaka álframleiðenda á Íslandi mikilvægt að hafa í huga að það sama eigi við um álbirgðir og birgðir í öðrum atvinnugreinum, það verði að horfa á magn birgða í hlutfalli við eftirspurn.
„Ef þær eru skoðaðar í því ljósi hefur dagafjöld inn sem það tekur að tæma vöruhús in miðað við núverandi eftirspurn skroppið saman úr 100 dögum á fyrsta ársfjórðungi 2013 niður í 84 daga í nóvember. Þegar verðið var í hæstu hæðum 2007 hefði það tekið 60 daga og talað er um að markaður inn sé í jafnvægi þegar birgðastað an er nálægt 75 dögum. Álverð hefur lækkað undanfarið, en það er að stórum hluta vegna þess að London Metal Exchange var að þrengja regl ur um birgðahald. Það kemur róti á markaðinn til skamms tíma á meðan hann leitar jafnvægis á ný. Á árunum eftir hrun var mikil birgðasöfnun og gert er ráð fyrir því að vegna reglubreytingarinnar muni um ein milljón tonna af áli losna út á markaðinn á næstu tveimur árum eða til ársloka 2015. Til samanburðar má geta þess að frumframleiðsla á áli er um 50 milljónir tonna á ári. Reglubreyting LME var ekki óvænt, hennar hafði verið beðið um nokkurn tíma, og því er ekki búist við að áhrifin til lækkunar verði viðvarandi."
Þegar til lengri tíma er litið, eða til ársins 2017, gerir óháða greiningarfyrirtækið CRU sem býr yfir mestri sérþekkingu á álmarkaðnum ráð fyrir því að eftirspurn muni halda áfram að aukast verulega og að álverð hækki hóflega ár frá ári.
„Fyrir nokkrum árum var heildar eftirspurn á ári um 40 milljónir tonna, hún er núna komin í um 50 milljónir tonna og því er spáð að árið 2017 muni eftirspurn eftir áli nema 62 milljónum tonna. Mað ur les varla um að ný bílategund sé framleidd án þess að meira ál sé notað en í módelinu á undan. Það er mikil áhersla lögð á að létta bifreið ar til að minnka eldsneytisnotkun og draga úr losun gróðurhúsaloft tegunda, t.d. má nefna það að í nýja Teslabílnum eru 98% grindarinnar úr áli. Árið 1990 voru um 40-90 kíló af áli í hverjum bíl, en núna eru þau á bilinu 120-150 kíló og búist er við því að árið 2025 verði talan komin í 250 kíló. Þetta þýðir að hver bíll eyðir að meðaltali um 65 lítrum minna á ári og dregið hefur úr los un gróðurhúsalofttegunda frá árinu 2000 um 6,8%. Bílaframleiðsla og byggingariðnaðurinn eru stærstu markaðirnir fyrir ál í Evrópu og það skiptir sköpum fyrir horfur í áliðn aðinum ef þeir taka við sér. Sam dráttur hefur verið mikill á báðum þessum mörkuðum á undanförnum árum vegna evrukrísunnar og því er mikil eftirspurn í pípunum sem bú ist er við að losni um nú þegar rofar til í Evrópu."
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér .