Fenster Investment Company Ltd, félag í eigu Sindra Sindrasonar stjórnarmanns í Actavis Group, hefur keypt fyrir um 233 milljónir króna í félaginu, samkvæmt upplýsingum frá Kauphöllinni.
Um er að ræða 3.028.230 hluti, keypta á genginu 77 krónur á hlut. Gengi félagsins var 78,5 krónur á hlut við lok markaðar.
Eftir viðskiptin á hann 15.009.829 hluti sem er um 1,2 milljarða króna að markaðsvirði.
Fjöldi hluta í eigu fjárhagslega tengdra aðila eftir viðskipti er 6.648.230, samkvæmt upplýsingum Kauphallarinnar.
