„Þjónusta SHS stendur og fellur með því að við séum ávallt í stöðugu og öruggu sambandi, hvort sem við erum staddir í heimahúsi, lyftu, bílakjallara eða annars staðar,“ segir Ómar Svavarsson, forstjóri Vodafone, en fyrirtækið hefur samið um að sinna allri fjarskiptaþjónustu fyrir Slökkvilið höfuðborgarsvæðisins (SHS). Ómar og slökkviliðsstjórinn Jón Viðar Matthíasson skrifuðu undir samning þessa efnis á heldur óvenjulegum stað, þ.e. í körfubíl slökkviliðsins.
Fram kemur í tilkynningu frá Vodafone þar sem greint er frá samningnum að slökkviliðið bætist í hóp annarra viðbragðs- og almannavarnaaðila sem hafa fært sín viðskipti til Vodafone, þar á meðal eru Neyðarlínan, Slysavarnafélagið Landsbjörg, Landhelgisgæslan, Landspítali - háskólasjúkrahús, Flugmálastjórn, Vegagerðin, Ríkisútvarpið, Landsvirkjun.
