Áformum Icelandair um sölu á ferðaskrifstofunni Iceland Travel hefur verið slegið á frest. Þetta er meðal þess sem kemur fram í fréttatilkynningu sem félagið sendi frá sér í gærkvöldi vegna birtingar uppgjörs þriðja ársfjórðungs núverandi árs.
Í byrjun árs var greint frá því að Icelandair Group hefði ákveðið að hefja undirbúning á sölu ferðaskrifstofunnar. Gert var ráð fyrir að söluferlið myndi hefjast nú í haust en líkt og áður segir hefur þeim áformum verið slegið á frest.
