Mikil sprenging sem varð í olíuleiðslu í kínversku hafnarborginni Qingdao mun ekki hafa áhrif á starfsemi Eimskips. Þetta kemur fram í tilkynningu frá félaginu.
"Eimskipafélag Íslands rekur fjórar starfsstöðvar í Kína og þar á meðal í hafnarborginni Qingdao. Þrátt fyrir ringulreið í borginni hefur þetta slys ekki haft áhrif á starfsemi félagsins þar. Enginn Íslendingur starfar fyrir Eimskip í Qingdao og ekki urðu slys á starfsmönnum félagsins."
