Seðlabanki Svíþjóðar hefur lækkað stýrivexti sína úr 0,25% í 0%. Stýrivextir hafa aldrei verið lægri í Svíþjóð en sænska krónan var sett á laggirnar árið 1873.
Til samanburðar þá eru stýrivextir á Íslandi 6% og stýrivextir Seðlabanka Evrópu eru 0,05%.
Vaxtalækkunin i Svíþjóð er meiri en sérfræðingar höfðu spáð og því kemur þessi mikla lækkun á óvart.
Seðlabankinn hefur átt erfitt með að halda verðbólgumarkmið sínu rétt eins og Seðlabanki Evrópu. Markmið Sænska seðlabankans er 2%. Allt útlit er fyrir að verðhjöðnun verði í ár, eða allt að 0,2%. Spá bankans gerir hins vegar ráð fyrir 0,4% verðbólgu á næsta ári.
Á Íslandi er verðbólga 1,8% og hefur verið undir verðbólgumarkmiði Seðlabanka Íslands frá febrúar. Verðbólgumarkmiðiðer 2,5%.
