*

sunnudagur, 28. febrúar 2021
Innlent 8. september 2017 14:48

Synjar kerfisáætlun Landsnets

Orkustofnun tók í dag ákvörðun um að synja kerfisáætlun Landsnets fyrir tímabilið 2016 til 2025.

Ritstjórn
Haraldur Guðjónsson

Orkustofnun tók í dag ákvörðun um að synja kerfiskerfisáætlun Landsnets fyrir tímabilið 2016 til 2025. Með breytingu á raforkulögum á árinu 2015 fékk Orkustofnun nýtt hlutverk sem felst í eftirliti með uppbyggingu flutningakerfisins í gegnum kerfisáætlun Landsnets. Þetta kemur fram í tilkynningu frá Orkustofnun.

Landsnet leggur árlega fram kerfisáætlun til samþykktar hjá Orkustofnun sem felur annars vegar langtímaáætlun sem sýnir þá þætti í meginflutningskerfinu sem fyrirhugað er að byggja upp eða uppfæra á næstu tíu árum og annars vegar framkvæmdaáætlun sem sýnir ákvarðanir um fjárfestingar í flutningskerfinu sem hafa verið teknar og þær ákvarðanir sem ráðast skal í á næstu þremur árum. 

„Orkustofnun hefur nú yfirfarið þær breytingar sem Landsnet hefur gert á kerfisáætlun fyrirtækisins og er það mat stofnunarinnar að enn séu töluverðir annmarkar á áætluninni. Annmarkar þessir felast einkum í því að áætlunargerð vegna einstakra framkvæmda á framkvæmdaáætlun er í einhverjum tilvikum ekki lokið eða fullnægjandi upplýsingar liggja ekki fyrir um framkvæmdir þannig að hægt sé að taka afstöðu til þess hvort þær uppfylli skilyrði raforkulaga. Það var því niðurstaða Orkustofnunar að synja kerfisáætlun Landsnets 2016-2025. Ákvörðunin er kæranleg til úrskurðarnefndar raforkumála.,“ segir í tilkynningunni. 

Stikkorð: Landsnet Orkustofnun synjað