Þorsteinn Már Baldvinsson, forstjóri Samherja, og aðrir fulltrúar fyrirtækisins eru væntanlegir á fund bankaráðs Seðlabanka Íslands síðar í dag. Þetta staðfestir Gylfi Magnússon, formaður bankaráðs og viðskiptafræðingur í samtali við Viðskiptablaðið.
Tilefni fundarins er að bankaráðið er að undirbúa að svar til Katrínar Jakobsdóttur, forsætisráðherra, vegna spurninga hennar í tengslum við Samherjamálið.
„Við viljum fá að heyra sjónarmið Samherja í þessu máli, þess vegna buðum við þeim á fund bankaráðs síðar í dag," segir Gylfi í samtali við Viðskiptablaðið.
Í bankaráði Seðlabankans sitja:
- Gylfi Magnússon, dósent í viðskiptafræði og fyrrverandi ráðherra, formaður.
- Þórunn Guðmundsdóttir, varaformaður.
- Sigurður Kári Kristjánsson
- Frosti Sigurjónsson
- Bolli Héðinsson
- Una Marín Óskarsdóttir
- Jacqueline Clare Mallet.
