Færeyska olíufyrirtækið Atlantic Petroleum [ FO-ATLA ] hefur tilkynnt að nýjar tilraunaboranir á Chestnut-svæðinu undan austurströnd Bretlandseyja væru hafnar, að því er segir í tilkynningu til Kauphallarinnar.
Greiningardeild Landsbankans bendir á að nýja tilraunasvæðið, South Chestnut, sé á svipuðum slóðum og félagið fann olíu fyrir um tveimur árum.
Ef tilraunaboranirnar skila tilsettum árangri komi það til með að bæta afköst Chestnut-svæðisins umtalsvert.
Félagið hækkaði um 2,5% í gær, samkvæmt upplýsingum frá Markaðsvakt Mentis.
