Úrvalsvísitala Kauphallarinnar hækkaði um 1,62% í viðskiptum dagsins í dag og endaði í 1.156,73 stigum. Gengi bréfa Össurar hækkaði um ein 3,45%, Marels um 2,64% og VÍS um 2,39%. Ekkert félag lækkaði í verði í dag. Velta á hlutabréfamarkaði var óvenjumikil og nam rúmum 1.577 milljónum króna.
Skuldabréfavísitala GAMMA hækkaði um 0,09% í dag. Verðtryggði hluti vísitölunnar hækkaði um 0,08% og sá óverðtryggði um 0,13%. Velta í viðskiptum með skuldabréf í vísitölunni nam 8,6 milljörðum króna.
