Útflutningur Norðmanna á olíu dróst saman um 16% í febrúar 2006 og hefur útflutningurinn ekki verið svo lítill í 5 ár, segir greiningardeild Landsbankans.
Útflutningur í febrúar á síðasta ári dróst saman úr 70,4 milljón tunna á dag í 58,9 milljón tunnur eða um 2,1 milljón tunna á dag.
Heildarframleiðsla á olíu nam 68,9 milljónir tunna í febrúar 2006, sem er lítillega minna en útflutningur var í febrúar á síðasta ári, segir greiningardeildin.
Anne Gjøre, sérfræðingur hjá Handelsbanken sagði að olíuframleiðsla í Noregi hafi verið að aukast afar hægt frá því síðasta sumar og það endurspegli mikla notkun olíulinda í langan tíma og það að borpallar séu orðnir gamlir.
Mismuninn á framleiðslu og útflutningi telja sérfræðingar megi skýra með því að sá hluti sem ekki er fluttur út sé settur í geymslu.
Hinsvegar benda sérfræðingar á að þessar tölur staðfesti þann samdrátt sem er smám saman að verða á olíulindum Noregs.
Olíuiðnaður í Noregi hófst árið 1970 og landið varð í kjölfarið eitt ríkasta land heims. Noregur er þriðji stærsti útflutningsaðili olíu, á eftir Sádí Arabíu og Rússlandi.
