Útvarp Saga hagnaðist um 509 þúsund krónur á árinu 2010 en árið 2009 hagnaðist félagið um 7,8 milljónir króna.
Rekstrarhagnaður fyrir afskriftir nemur tæplega 6,4 milljónum. Vaxtagjöld nema 6,2 milljónum króna en á móti koma vaxtatekjur að upphæð um 500 þúsund krónur.
Eigið fé var neikvætt um 2,8 milljónir í lok árs 2010 og heildarskuldir námu 16,2 milljónum. Útvarp Saga er að fullu í eigu Arnþrúðar Karlsdóttur.