*

sunnudagur, 1. ágúst 2021
Innlent 30. október 2014 09:29

Viðskiptavinir Sjóvár styrkja Ljósið

Tjónlausir og skilvísir viðskiptavinir Sjóvár fá endurgreiddan hluta iðgjalda og eiga kost á að gefa greiðsluna til góðgerðarmála.

Ritstjórn
Elva Björg Pálsdóttir viðskiptavinur Sjóvár, Erna Magnúsdóttir forstöðumaður Ljóssins, Steinunn Eir Ármannsdóttir viðskiptastjóri Sjóvár og Hermann Björnsson forstjóri Sjóvár.

Ljósið, endurhæfingar- og stuðningsmiðstöð krabbameinssjúklinga og aðstandenda þeirra, fékk 2.5 milljóna króna peningagjöf frá viðskiptavinum Sjóvár á dögunum.

Tjónlausir og skilvísir viðskiptavinir Sjóvár í Stofni fá endurgreiddan hluta iðgjalda sinna á hverju ári. Líkt og undanfarin ár áttu þeir kost á því að gefa til góðgerðarmáls þegar þeir ráðstöfuðu Stofnendurgreiðslu sinni. Í ár gátu þeir gefið til Ljóssins og alls gáfu viðskiptavinir Sjóvár 2.5 milljónir til félagsins.

Elva Björg Pálsdóttir, einn viðskiptavina Sjóvár, færði Ernu Magnúsdóttur hjá Ljósinu gjöfina fyrir hönd viðskiptavina Sjóvár þann 15. október s.l.

Áður hafa viðskiptavinir Sjóvár í Stofni styrkt félög á borð við Rauða krossinn, Einstök börn og Barnaspítala hringsins.

Stikkorð: Sjóvá Ljósið