Litlu skiptir að beina spjótum gegn Eimskipi, rekstraraðila Herjólfs, vegna kjaraviðræðna Samtaka atvinnulífsins (SA) við Sjómannafélag Íslands vegna undirmanna á Herjólfi. Í tilkynningu frá SA segir að í Vestmannaeyjum sé seinaganginum í kjaraviðræðunum mótmælt. SA fari með samningsumboð eins og annarra aðildarfyrirtækja. Nú eins og í öðrum tilvikum sé hafnað þeim óbilgjörnu kröfum sem Sjómannafélagið hefur lagt fram og sagt ófrávíkjanlegar.
Í tilkynningu SA segir að Sjómannafélagið setti þegar í upphafi viðræðna fram kröfu um rúmlega 40% hækkun launa og hafi ekki verið slegið af þeirri kröfu. Auk þess skyldu laun hækka árið 2014 með sama hætti og laun farmanna.
Meðallaun bátsmanna á Herjólfi eru nú um 400 þúsund krónur á mánuði miðað við 46 klukkustunda vinnuviku sem byggir á vaktavinnu. Kröfur Sjómannafélagsins jafngilda því að föst laun bátsmanna hækki að lágmarki um 160 þúsund krónur á mánuði. Samtök atvinnulífsins geta ekki og munu ekki fallast á slíkar kröfur, að sögn SA.
