Flugstöð Leifs Eiríkssonar hf. og Flugþjónustan Keflavíkurflugvelli ehf. undirrita samning
Flugstöð Leifs Eiríkssonar hf. (FLE) og Flugþjónustan Keflavíkurflugvelli ehf. (IGS) hafa gert með sér samning um veitingarekstur í Flugstöðinni, segir í fréttatilkynningu, en IGS hefur verið með veitingarekstur í flugstöðinni um árabil.
IGS mun opna nýjan veitingastað á brottfararsvæði flugstöðvarinnar nú í vor sem og bar með útsýni yfir flugbrautina. IGS mun halda áfram veitingarekstri á 1. og 2. hæð í suðurbyggingu flugstöðvarinnar. Alls mun veitingarými IGS vera á um 990 fermetra svæði.
Með nýjum samningi er gert ráð fyrir að IGS muni auka vöruúrval og leggja áherslu á að selja vörur undir merkjum alþjóðlegra veitingahúsakeðja.
Samningurinn er einn þáttur í að bæta þjónustu við flugfarþega auk þess að auka hlut einkaaðila í flugstöðinni en sú stefna var mótuð þegar ráðist var í forval verslunar- og þjónustufyrirtækja í aðdraganda samninga. Gunnar Olsen framkvæmdastjóri undirritaði samninginn fyrir hönd IGS og Höskuldur Ásgeirsson forstjóri fyrir hönd FLE.
Flugstöð Leifs Eiríkssonar hf. (FLE) og Flugþjónustan Keflavíkurflugvelli ehf. (IGS) hafa gert með sér samning um veitingarekstur í Flugstöðinni, segir í fréttatilkynningu, en IGS hefur verið með veitingarekstur í flugstöðinni um árabil.
IGS mun opna nýjan veitingastað á brottfararsvæði flugstöðvarinnar nú í vor sem og bar með útsýni yfir flugbrautina. IGS mun halda áfram veitingarekstri á 1. og 2. hæð í suðurbyggingu flugstöðvarinnar. Alls mun veitingarými IGS vera á um 990 fermetra svæði.
Með nýjum samningi er gert ráð fyrir að IGS muni auka vöruúrval og leggja áherslu á að selja vörur undir merkjum alþjóðlegra veitingahúsakeðja.
Samningurinn er einn þáttur í að bæta þjónustu við flugfarþega auk þess að auka hlut einkaaðila í flugstöðinni en sú stefna var mótuð þegar ráðist var í forval verslunar- og þjónustufyrirtækja í aðdraganda samninga. Gunnar Olsen framkvæmdastjóri undirritaði samninginn fyrir hönd IGS og Höskuldur Ásgeirsson forstjóri fyrir hönd FLE.
