Hagnaður kínverska rafbílaframleiðandans BYD, sem tók í fyrra fram úr Tesla sem stærsti rafbílaframleiðandi heims á fjórða ársfjórðungi, jókst töluvert í lok árs samkvæmt nýbirtum ársreikningi.
The Wall Street Journal greinir frá því að hagnaður BYD á síðustu þremur mánuðum ársins jókst um 19% og nam 1,2 milljörðum Bandaríkjadala.
Tekjur jukust um 15% á sama tímabili í samanburði við árið á undan. Fjöldi seldra bíla jókst um 38% en sem fyrr segir seldi BYD fleiri rafbíla en Tesla á fjórða ársfjórðungi í fyrra.
Bílaframleiðandinn seldi 526 þúsund hreina rafbíla á tímabilinu. Tesla seldi til samanburðar 485 þúsund bíla.
Kínverski bílaframleiðandinn sem er þekktur fyrir að framleiða ódýra fjölskylduvæna rafbíla er nú orðinn stórhuga og hyggst BYD ætla hasla sér völl á lúxusbílamarkaði.
BYD hyggst framleiða ofurbíl sem líkt er við Lamborghini með 150 þúsund dala verðmiða, eða sem nemur um 26 milljónum króna.
Auk þess verður jeppi sem sagður er geta snúið sér í 360 gráður á staðnum og flotið á vatni hluti af nýju vörulínunni.
