Hlutabréfaverð Alvotech hefur lækkað um 20% frá því það náði sínu hæsta gildi fyrir mánuði síðan 26. febrúar.
Stóð gengi félagsins þá í 2.450 krónum og hafði aldrei verið hærra en gengið hefur lækkað um 5% í viðskiptum dagsins og stendur nú í 1.950 krónum þegar þetta er skrifað.
Gengi líftæknilyfjaframleiðandans hækkaði töluvert í byrjun árs eftir að úttekt Lyfja- og matvælaeftirlits Bandaríkjanna (FDA) á framleiðsluaðstöðu félagsins á Íslandi greiddi leið fyrir markaðsleyfi á hliðstæðu Alvotech fyrir lyfið Humira og Stelara.
Þann 26. febrúar, þegar gengið fór í sitt hæsta gildi, gekk Alvotech að tilboði frá hópi fagfjárfesta í almennra hlutabréfa í félaginu að verðmæti um 22,8 milljarðar króna á genginu 2.250 krónur á hlut.
Hlutabréfaverð Alvotech hefur hækkað um 24% það sem af er ári en gengið hóf árið í 1.565 krónum.