Frá og með deginum í dag þarf verðtryggður sparnaðar ekki vera lengur bundinn í þrjú ár, eftir breytingu á reglum Seðlabanka Íslands.
Íslandsbanki tilkynnti í dag að þeir muni bjóða upp á verðtryggðan sparnað sem er laus með 90 daga fyrirvara. Til viðbótar við verðtryggingu ber reikningurinn 0,1% vexti.
Bankinn fylgir þannig fordæmi Arion banka sem tilkynnti um verðtryggðu sparnaðarleið sína, með 90 daga binditíma og 0,1 vexti, í byrjun maí.
Landsbankinn opnaði á sama tíma einnig verðtryggða Landsbók en binditími hennar er 11 mánuðir í stað 90 daga. Landsbankinn greiðir út af reikningi 31 degi eftir að viðskiptavinur pantar úttekt. Að 11 mánaða binditíma loknum er innistæða alltaf laus til útborgunar með 31 dags fyrirvara.
Til viðbótar við verðtrygginguna ber reikningurinn 0,55% vexti hjá Landsbankanum.