Japanir skoða nú það að taka upp nýtt fiskveiðistjórnunarkerfi sem byggir á kvóta. Mbl.is greinir frá að þetta komi í kjölfarið á góðum árangri með slíkt kerfi fyrir rækjuveiðar við Sado-eyju. Fyrir þremur árum var kvóti tekinn þar upp til að bregðast við minnkun stofnsins.
Hlutfall stærri rækju í heildaraflinum fór upp úr 20% í 70% eftir að kvótakerfið var tekið upp. Tímabilið hefur lengst og nú er ekki lengur um kapphlaup að ræða þar sem mikill fjöldi fer í fáa daga að veiða. Veiðidagarnir dreifast yfir lengra tímabil.
Ákveðið hefur verið af fiskveiðiyfirvöldum í landinu að koma kvótakerfi á næsta haust fyrir fleiri fiskitegundir á nokkrum svæðum umhverfis Japan.
