Rúmfatalagerinn ehf. hagnaðist um 192,2 milljónir á rekstrarári félagsins, frá 1. mars 2013 til 28 febrúar 2014. Það er viðsnúningur frá fyrra rekstrarári þegar félagið tapaði 97,6 milljónum. Rekstrartekjur jukust töluvert á milli ára og voru 4.201 milljón króna borið saman við 3.985,8 milljónir fyrra ár og EBITDA var 354,3 milljónir borið saman við 37.5 milljónir.
Eignir félagsins voru 1.537,9 milljónir í lok rekstrarársins en voru 1.764,8 árið áður. Skuldirnar lækkuðu meira á milli ára og voru 1.207,6 milljónir borið saman við 1.596,2 fyrra rekstrarár og handbært fé var 32,9 milljónir borið saman við 31 milljón.
Meðalfjöldi starfa var 120 störf borið saman við 133 störf ári fyrr. Engu að síður var launakostnaður talsvert meiri, eða 607 milljónir borið saman við 584,8 milljónir ári áður.
