Kristinn H. Gunnarsson þingmaður náði ekki í fimm efstu sætin í prófkjöri framsóknarmanna í Norðvesturkjördæmi. Hann stefndi á 1. til 2. sætið. Þar með er Kristinn dottinn út af þingi.
Gunnar Bragi Sveinsson varð efstur í prófkjörinu og Guðmundur Steingrímsson, fyrrverandi varaþingmaður Samfylkingarinnar, hafnaði í öðru sæti.
Kristinn hefur gegnt þingmennsku fyrir þrjá flokka frá því hann varð þingmaður 1991. Fyrst fyrir Alþýðubandalagið, síðan Framsóknarflokkinn og þá Frjálslynda flokkinn.
Hann gekk úr síðarnefnda flokknum fyrr í vetur og fór aftur í Framsóknarflokkinn. Kristinn hefur einnig verið þingmaður utan flokka.
Alls greiddu 1539 atkvæði í prófkjöri framsóknarmanna í Norðvesturkjördæmi eða rúmlega 60% af kjörskrá.
Lokastaðan varð þessi:
1. Gunnar Bragi Sveinsson, 782 atkvæði í 1. sæti 2.
Guðmundur Steingrímsson, 635 atkvæði í 1.-2. sæti 3.
Sigurgeir Sindri Sigurgeirsson, 897 atkvæði í 1.-3. sæti 4.
Elín Líndal, 1.135 atkvæði í 1.-4. sæti 5.
Halla Signý Kristjánsdóttir, 937 atkvæði í 1.-5. sæti
