Reginn hf. hefur undirritað samning um kaup á öllu hlutafé í félögunum Ósvör ehf. og CFV 1 ehf. Þetta kemur fram í tilkynningu til Kauphallarinnar. Kaupsamningurinn er gerður í framhaldi af undirritun á samkomulagi um kaup á fasteignasöfnum félaganna tveggja, sem Viðskiptablaðið greindi frá í síðasta mánuði.
Í tilkynningu sem Reginn sendi í síðasta mánuði kom fram að kaupin miði við að heildarvirði fasteignasafnanna sé 10.050 milljónir króna. Í tilkynningunni í dag segir að kaupverð, eðli og umfang viðskiptanna séu í samræmi við fyrri tilkynningu.
