Santander, stærsti banki Spánar, hefur keypt 318 útibú Royal Bank of Scotland, RBS í Bretlandi. Eftir kaupin rekur Santander 1.643 útibú í Bretlandi en RBS um 1.900. Lloyds Banking Group, sem er í 41% eigu breska ríkisins, rekur tæplega 3.000 útibú í Bretlandi.
RBS neyddist til að selja útibúin eftir að framkvæmdastjórn ESB úrskurðaði um söluskylduna eftir að bresk stjórnvöld komu í veg fyrir gjaldþrot bankans. Breska ríkið á nú um 83% hlut í RBS.
