Úrvalsvísitalan OMXI 15 hækkaði um 0,62% í viðskiptum dagsins en heildarvelta á markaði var um 3 milljarðar króna.
Fjárfestingafélagið Skel leiddi hækkanir er gengi félagsins fór upp um rúm 2% í ekki nema 22 milljón króna veltu.
Gengi Hampiðjunnar og Alvotech hækkaði um 2% og var dagslokagengi Alvotech 1.817 krónur.
Mesta veltan var með bréf Arion Banka en gengi bankans hækkaði um tæpt 1% í 730 milljón króna veltu.
Velta með bréf Marels kom þar eftir en gengið hreyfðist lítið í 526 milljón króna viðskiptum. Dagslokagengið var 495 krónur.
Hlutabréfaverð Amaroq, Skaga og Eimskips hækkaði um 1,5% á meðan gengi Ölgerðarinnar og fasteignafélagsins Eik hækkaði um 1%.
