Óðinn fjallaði á fimmtudag um Reykjavíkurborg og könnun Maskínu á stöðunni í borginni og fylgi Framsóknarflokksins.
Það sem verður að hafa í huga við lestur könnunarinnar er að hún var gerð um mánaðarmótin nóvember/desember.
Áður en kom í ljós að borgin hafði tekið mikið mark á hinni sænsku Gretu Thunberg, gert ráð fyrir hamfarahlýnun og að hér myndi aldrei snjóa meir.
Áskrifendur geta lesið pistilinn í heild hér.
Hrun Framsóknarflokksins
Það sem vekur mesta athygli er algjört fylgishrun Framsóknarflokksins í borginni. Flokkurinn fékk 18,7% atkvæða í kosningunum í maí í fyrra. Í könnuninni mælist hann með 8,2% fylgi.
Einar Þorsteinsson oddviti flokksins skrifaði bréf til kjósenda í Morgunblaðið á kjördag með yfirskrift „Framsókn er lykillinn að breytingum í borginni.“
Þar fer Einar hörðum orðum um þáverandi meirihluta, sem framsóknarmenn gengu svo inn í.
Meirihluti síðustu ára hefur sofið á verðinum hvað varðar uppbyggingu á íbúðarhúsnæði. Um það eru allir sammála, Seðlabankinn, Húsnæðis- og mannvirkjastofnun, Alþjóðagjaldeyrissjóðurinn, íbúar borgarinnar, íbúar landsins; allir nema meirihlutinn í borgarstjórn sem hefur lagt alla áherslu á borgarlínu en gleymt húsnæðismálunum.
Afleiðingarnar eru stórkostleg hækkun á húsnæði, hækkun vaxta og verðtryggðra lána. Þessari þróun verður að snúa við. Það þolir enga bið.
Lausnin er að mínu mati augljós: Borgarstjórn verður að segja skilið við trúarbrögðin sem boða það að eina leiðin sé þétting byggðar. Við þurfum líka að byggja ný hverfi og skapa þannig jafnvægi á húsnæðismarkaði.
Þetta er sannkallaður dauðadómur yfir vinstri meirihlutanum í húsnæðismálum.
Í lok bréfsins fer Einar yfir hversu mikilvægt stjórnmálaafl Framsóknarflokkurinn er, í raun lífsnauðsynlegur svo óreiðan í borginni hverfi.
Kæri lesandi. Sterk Framsókn í borginni er lykill að breytingum. Lykill að breyttum stjórnmálum í borginni, lykill að meiri uppbyggingu, meiri sátt og meira samtali við borgarbúa.
Atkvæði þitt getur brotið upp meirihlutann í borginni og haft úrslitaáhrif um stjórn borgarinnar næstu fjögur árin. Ég bið um þinn stuðning í kjörklefanum í dag. X við B er stuðningur við breytingar í borginni.
***
Þetta bréf reyndist vera algjört þvaður.
Ekkert af því sem kom fram í lok bréfisins reyndist rétt. Eina sem Einar Þorsteinsson vildi var borgarstjórastóllinn.
Hann var dýru verði keyptur því Framsóknarflokkurinn mun hrynja enn meira í borginni. Líklegast þurrkast út.
Pistill Óðins birtist Viðskiptablaðinu sem kom út í dag, fimmtudag inn 19. janúar 2022. Áskrifendur geta lesið hann í fullri lengd hér og blaðið í heild sinni hér.