Hlutabréf í Alvotech hafa lækkað um 14% síðustu tvo viðskiptadaga eftir um 7% lækkun í viðskiptum dagsins.
Velta með bréf félagsins nam 617 krónum en töluverðar lækkanir hafa verið á markaði síðustu daga.
Töluverður söluþrýstingur hefur verið á markaði í vikunni en hefur gengi flestra skráðra félaga á aðalamarkði lækkað. Marel var eina félagið sem hækkaði í Kauphöllinni í dag er gengi félagsins fór upp um 0,66% í yfir 600 milljón króna veltu.
Hlutabréfaverð Sjóvá lækkaði um 3% í 140 milljón króna veltu. Gengi Amaroq fór niður um tæp 3% í 330 milljón króna veltu en félagið birti ársuppgjör fyrir opnun markaða í morgun.
Gengi Kviku lækkaði um 2% og var dagslokagengið 14,45 krónur. Dagslokagengi Icelandair var 1,05 krónur eftir um 1% lækkun í viðskiptum dagsins.
Úrvalsvísitalan OMXI 15 lækkaði um 1,5% og var heildarvelta á markaði 4 milljarðar.