Bjarni Benediktsson, fjármála- og efnahagsráðherra, segir það koma til greina að framlengja frest slitabúa til að ljúka nauðasamningum. Þetta kemur fram á mbl.is í dag.
Samkvæmt núgildandi tímafresti þurfa slitabúin að hafa lokið nauðasamningum fyrir áramót, annars þurfa þau að greiða 39% stöguleikaskatt til ríkissjóðs en aðspurður segir Bjarni: „Það er óhætt að segja að það hefur þrengst mjög um þennan tímaramma.“
Slitabúin hafa haft áhyggjur af því hversu langan tíma tillögurnar hafa legið inni hjá Seðlabankanum og hafa haft áhyggjur af því að falla á tíma
Eins og Viðskiptablaðið greindi frá fyrr í dag hefur Seðlabanki Íslands lokið við stöðugleikamat vegna undanþágubeiðna slitabúa gömlu bankanna, en mat Seðlabanka verður kynnt á morgun. Það er því óljóst hvert álit Seðlabankans er á tillögunum. Slitabúin hafa þó þegar sent kröfuhöfum tillögurnar og ef að Seðlabankinn leggur til breytingar er mjög ólíklegt að náist að klára nauðasamninga fyrir áramót.
