Icelandair fær í heildina 55,3 milljónir dala, eða andvirði rúmlega 7 milljarða króna fyrir sölu á 75% í hótelum sínum eftir að gengið hefur nú verið frá öllum skilyrðum vegna kaupanna.
Icelandair hefur þar með gengið frá lokagreiðslu vegna kaupa Berjaya Land Berhad hótelkeðjunnar á 75% hlut í hótelum flugfélagsins. Eins og Viðskiptablaðið sagði frá á sínum tíma í tengslum við að hótelið sem nú rís á Landsímareitnum fylgir ekki með í kaupunum, þá gerðu samningar aðilanna ráð fyrir að endanlegt kaupverð myndi ráðast af stöðu nettó veltufjármnua og vaxtaberandi skulda á afhendingardegi.
Berjaya hefur þegar greitt Icelandair Group 1,9 milljarða, eða 15 milljónir Bandaríkjadala. Eftirstöðvar kaupverðsins nema því um 5,1 milljarði króna, eða 40,3 milljónum Bandaríkjadala.
Icelandair Group og Berjaya hafa nú komist að samkomulagi um að Berjaya greiði um helming eftirstöðvanna föstudaginn 28. febrúar næstkomandi eða rúmlega 2,5 milljarða króna, það er 20 milljónir Bandaríkjadala og að lokagreiðslan, rúmir 2,6 milljarðar króna, eða 20,3 milljónir Bandaríkjadala, verði greidd 31. maí 2020, þremur mánuðum seinna en upphaflega var áætlað. Þá hefur Berjaya samþykkt að greiða 6% ársvexti af eftirstöðvum kaupverðs þann 28. febrúar.
Afhending á bréfum Icelandair Hotels fer fram samhliða lokagreiðslu í lok maí. Komi til þess að eftirstöðvarnar verði ekki greiddar er samkomulag um vanefndagreiðslu að fjárhæð rúmlega 2,5 milljarðar króna (20 milljónir Bandaríkjadala) af hálfu kaupanda af því sem þegar hefur verið greitt og getur Icelandair Group þá rift kaupunum.
Hér má lesa frekari fréttir um umsvif á Miðbakka og söluna á Icelandair hótelum:
- 7. febrúar 2020 - Lífskjarasamningar bíta hótel Icelandair
- 21. desember 2019 - Icelandair fær 10 milljarða fyrir hótelin
- 23. október 2019 - Vill Four Season hótel í stað vöruskemmu
- 19. október 2019 - Hótelrisarnir þenjast út
- 17. júlí 2019 - Kaupverðið gæti numið sjö milljörðum
- 15. júlí 2019 - Eignast ekki hótel á Landssímareit
- 13. júlí 2019 - Berjaya kaupir Icelandair Hotels
- 7. mars 2019 - Bílastæðin hverfa af Miðbakka
- 30. september 2019 - Hótelherbergjum fjölgi um 43%
- 1. september 2018 - Margir áhugasamir um hótel Icelandair
- 6. ágúst 2018 - Verri afkoma hjá Icelandair Hotels
- 18. maí 2018 - Icelandair selur hótelin
- 10. maí 2017 - Lokun Geirsgötu mun trufla umferð
- 13. mars 2016 - Sæbraut og Geirsgata í stokk