*

föstudagur, 17. september 2021
Frjáls verslun 25. ágúst 2021 18:02

Tíu tekjuhæstu prestarnir

Sóknarprestur í Háteigskirkju og biskup Íslands tróna á toppi lista Tekjublaðsins yfir tekjuhæstu presta landsins.

Ritstjórn

Helga Soffía Konráðsdóttir, sóknarprestur í Háteigskirkju, er efst á lista Tekjublaðs Frjálsrar verslunar yfir tekjuhæstu presta á síðasta ári. Hún fékk greitt að jafnaði 2,2 milljónir króna á mánuði miðað við greitt útsvar.

Agnes Sigurðardóttir, biskup Íslands, er í öðru sæti á listanum með ríflega 1,6 milljónir á mánuði. Hún var einnig í öðru sæti í síðustu útgáfu Tekjublaðsins fyrir árið 2018.

Karl Valgarður Matthíasson, sóknarprestur í Grafarholti, vermir þriðja sætið með nærri 1,6 milljónir að jafnaði á mánuði.

Tekjur tíu hæstu á mánuði að jafnaði í þúsundum króna:

  1. Helga Soffía Konráðsdóttir, sóknarprestur Háteigskirkju - 2.163
  2. Agnes Sigurðardóttir, biskup Íslands - 1.619
  3. Karl Valgarður Matthíasson, sóknarprestur Grafarholti - 1.592
  4. Jón Ragnarsson, prestur Akureyri - 1.520
  5. Sigurður Arnarson, Kársnesprestakalli - 1.498
  6. Bragi Skúlason, sjúkrahúsprestur Landspítala - 1.476
  7. Fjölnir Ásbjörnsson, sóknarprestur Holti, Önundarfirði - 1.473
  8. Hjörtur Magni Jóhannsson, Fríkirkjuprestur Reykjavík - 1.437
  9. Gísli Jónasson, próf. Breiðholtsprestakalli - 1.432
  10. Þórhildur Ólafs, prófastur Hafnarfirði - 1.427

Um er að ræða útsvarsskyldar tekjur á árinu 2020 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og öðrum aukastörfum og hlunnindum vegna kaupréttarsamninga. Í launum sumra kann að vera falinn bónus vegna ársins 2019, sem greiddur var árið 2020. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Hafa verður í huga að inni í tekjunum getur líka verið einskiptisgreiðsla vegna úttektar á séreignarsparnaði hjá lífeyrissjóði.

Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak hér.

Stikkorð: Tekjublað2021