Umboðsmaður Alþingis hefur veitt Seðlabankanum frest fram til 2. ágúst, það er morgundagsins, til að upplýsa sig um stöðuna á úrvinnslu erindis frá Þorsteini Má Baldvinssyni forstjóra Samherja að því er Fréttablaðið greinir frá.
Var erindi embættis umboðsmanns sent bankanum 19. júlí síðastliðinn, en Þorsteinn Már hafði snúið sér til þess nokkrum dögum fyrr til að kvarta undan óhóflegri töf á afgreiðslu erindis hans til bankans.
Upphaflega hafði hann sent erindið þann 20. febrúar síðastliðinn þar sem hann fór fram á að bankinn hefði frumkvæði að því að bjóðast til að bæta honum kostnað og miska sem málarekstur bankans hefði haft í för með sér fyrir hann.
Eins og Viðskiptablaðið hefur fjallað ítarlega um snýst málið um rannsókn gjaldeyriseftirlitsins, og húsleit, á meintum brotum hans og Samherja á gjaldeyrishöftunum. Lauk þeim málum með ógildingu stjórnvaldsekta sem Seðlabankinn hafði lagt á, fyrir dómstólum.
Ekkert hefur bólað á svörum frá Seðlabankanum þrátt fyrir að Þorsteinn hafi ítrekað erindi sitt 17. apríl síðastliðinn, þó tveimur dögum síðar hafi starfsmaður svarað Þosteini að unnið væri að svörum. Ítrekaði hann í þriðja sinn 23. maí síðastliðinn.
Ásgeir Jónsson mun taka við embætti bankastjóra Seðlabanka Íslands af Má Guðmundssyni, sem verið hefur yfir bankanum allan tíman sem málið gagnvart Þorsteini hefur verið rekið, þann 20. ágúst næstkomandi. Það má því segja að bankinn hafi þrjár vikur til að ljúka málinu með Má í brúnni líka.
Hér má lesa fleiri fréttir um deilur Samherja og Seðlabankans:
- 30. apríl 2019 - Samherji kærir Má til lögreglu
- 27. mars 2019 - Baldvin biðst afsökunar en þó ekki Má
- 27. mars 2019 - Baldvin við Má: „Drullaðu þér í burtu“
- 27. mars 2019 - „Sjö ára herferð Seðlabankans“
- 6. mars 2019 - Vill að Már segi af sér
- 6. mars 2019 - Umboðsmaður snuprar Seðlabankann
- 28. febrúar 2019 - Segir Má hafa „varpað sprengju“
- 27. febrúar 2019 - Húsleit hjá Samherja skapað fælingaráhrif
- 26. nóvember 2018 - Vill lögfræðirit um bann við sáttaferli
- 15. nóvember 2018 - Saga Samherjamálsins frá upphafi
- 21. júlí 2017 - Seðlabankastjóri sveik loforð
- 24. apríl 2017 - Þorsteinn segir að Már eigi að víkja
- 27. mars 2017 - Segir stjórnsýslu Seðlabankans fráleita
- 2. desember 2016 - Forstjóri telur brot varða fangelsisvist
- 30. nóvember 2016 - Þorsteinn Már kærir starfsmenn Seðlabankans
- 8. október 2016 - Mikið högg fyrir útflutningsfyrirtæki
- 26. ágúst 2016 - Erum svolítið farþegar í þessu máli
- 18. nóvember 2015 - Þorsteinn Már hefur réttarstöðu sakbornings
- 6. nóvember 2015 - Skattrannsóknarstjóri aðhefst ekki í Samherjamálinu
- 8. september 2015 - Seðlabankinn verður að axla ábyrgð
- 8. september 2015 - Þorsteinn Már: Fordæmalaus misbeiting valds
- 7. apríl 2014 - Þorsteinn: Er í yfirheyrslum hjá saksóknara vegna veiðiferðar
- 5. apríl 2014 - Þorsteinn Már harðorður í garð lífeyrissjóðanna
- 15. nóvember 2013 - Forstjóri Samherja í skýrslutöku hjá Sérstökum saksóknara
- 15. nóvember 2013 - Sérstakur saksóknari yfirheyrði Þorstein Má Baldvinsson
- 9. september 2013 - Sérstakur vísar máli Samherja frá
- 9. september 2013 - Þorsteinn Már leitar frekari upplýsinga
- 29. ágúst 2013 - Samherji hagnast um 16 milljarða