Stjórn Skeljungs hf. hefur ráðið Árna Pétur Jónsson, sem forstjóra félagsins, og mun ráðningin taka gildi í dag. Árni Pétur lauk Cand Oecon frá Háskóla Íslands 1991. Árni Pétur hefur víðtæka reynslu af rekstri fyrirtækja, stórra sem smárra.
Hann hefur unnið með fyrirtækjum sem eru í alþjóðaviðskiptum, s.s. Vodafone, Debenhams, Zara, Top Shop og Iceland. Þá var Árni forstjóri Teymis hf þegar það var skráð í Kauphöll Íslands auk þess sem hann starfaði sem framkvæmdastjóri hjá Olís og Högum.
Hin síðari ár hefur Árni Pétur verið forstjóri Tíu Ellefu (10-11)/Iceland Verslun (Iceland) og Basko, en seldi hlut sinn 2016. Þess má geta að Basko rak 10-11 verslanirnar sem áður voru reknar í húsnæði Skeljungs en eins og V iðskiptablaðið sagði frá á sínum tíma var hætt við áætlaða sameiningu Basko og Skeljungs árið 2017. Á síðasta ári keyptu Samkaup hluta hluta af verslunum Tíu Ellefu, en verslanirnar í bensínstöðvunum heita nú Kvikk On The Go.
Árni Pétur hefur átt sæti í fjölmörgum stjórnum fyrirtækja, ýmist sem stjórnarmaður eða stjórnarformaður. Má þar nefna fyrirtæki s.s. Lyfja, Securitas, Skeljungur, Penninn, Borgun og Eldum rétt. Þá hefur Árni Pétur komið að rekstri símafyrirtækisins Kall í Færeyjum og Bónus í Færeyjum.
Jens Meinhard Rasmussen , stjórnarformaður segir: „Með ráðningu á Árna Pétri sem forstjóra Skeljungs þá erum við að fá inn í fyrirtækið reynslu og þekkingu sem nýtist okkur til að sækja fram á við og móta fyrirtækið til framtíðar.“
Árni Pétur Jónsson , nýr forstjóri segist hlakka til að takast á við spennandi verkefni. „Ég þekki Skeljung vel og veit að þar starfar öflugt og reynslumikið fólk,“ segir árni Pétur. „Starfsemi okkar á Íslandi og í Færeyjum byggir á traustum grunni sem við ætlum að halda áfram að þróa. Rekstrarumhverfi fyrirtækisins hefur og mun taka breytingum á næstu árum, sem gerir starfið mjög áhugavert.“
Skeljungur er orkufyrirtæki sem selur vörur og þjónustu á Íslandi, í Færeyjum og á Norður-Atlantshafinu. Meginstarfsemi félagsins er innflutningur, birgðahald, sala og dreifing á eldsneyti og eldsneytistengdum vörum. Félagið starfrækir 76 eldsneytisstöðvar og 6 birgðastöðvar á Íslandi og í Færeyjum.
Auk þess selur félagið áburð og og efnavörur á Íslandi og rekur verslanir og þjónustar og selur olíu til húshitunar í Færeyjum og er starfsemin rekin undir merkjunum Skeljungur, Orkan, OrkanX og Magn.
Hér má lesa frekari fréttir um málefni Skeljungs:
- 3. júní 2019 - Ingunn Agnes Kro hættir hjá Skeljungi
- 23. maí 2019 - Tvær tillögur fyrir Skeljungsfundinn
- 21. maí 2019 - Hagnaður Skeljungs minnkar lítillega
- 9. maí 2019 - Baráttan um Skeljung
- 24. apríl 2019 - Skeljungur hækkar mest tvo daga í röð
- 26. febrúar 2019 - Besta rekstrarár í sögu Skeljungs
- 29. desember 2018 - Gerjun í olíugeiranum
- 6. nóvember 2018 - Costco semur við Skeljung
- 30. ágúst 2018 - 10-11 hverfur af bensínstöðvum
- 28. ágúst 2018 - Skeljungur hagnast um 435 milljónir
- 21. ágúst 2018 - Skeljungur breytir afkomuspá sinni
- 8. maí 2018 - Skeljungur hagnast um 416 milljónir
- 25. apríl 2018 - Hækka afkomuspá Skeljungs í 3 milljarða
- 3. apríl 2018 - Skeljungur kaupir færeyskt félag
- 20. mars 2018 - Leigutekjurnar skila 130 milljónum
- 22. febrúar 2018 - Dýrt að skipta um forstjóra
- 22. febrúar 2018 - 10/11 hættir við stöðvar Skeljungs
- 21. febrúar 2018 - Hagnaður Skeljungs 1,1 milljarður
- 14. janúar 2018 - Skeljungur veðjar á netverslun
- 30. desember 2017 - Torsóttar sameiningar vegna Costco
- 9. desember 2017 - Skeljungur kaupir í Heimkaup og Bland
- 29. nóvember 2017 - Icelandair semur við Statoil
- 24. nóvember 2017 - Skeljungur missir eldsneytissamninga
- 15. nóvember 2017 - Costco semur við Skeljung út 2018
- 14. nóvember 2017 - Skeljungur keypti fyrir 112 milljónir
- 1. nóvember 2017 - Segir söluna ekki tengjast uppsögnum
- 30. október 2017 - Hagnaður Skeljungs minnkar um milljón
- 27. október 2017 - Skeljungur segir upp 29 manns
- 16. október 2017 - Of margar bensínstöðvar í Reykjavík
- 15. október 2017 - Sagt að fá sér „risastóran já-ara-jeppa“
- 14. október 2017 - Blindur ef þú sérð ekki áhrif Costco
- 31. ágúst 2017 - „Lukkast vel að einblína á olíusölu“
- 16. júlí 2017 - Skeljungur hættir við kaupin á 10-11
- 27. maí 2017 - Bregðast við komu Costco